Реферат "Прыкметы і павер'і як від вуснай народнай творчасці "

ЗМЕСТ

Уводзіны ……………………………………………………………………… 3

1 Сутнасць паняццяў “прыкмета”, “павер’е”……………………………….. 5

2 Прыкметы і павер’і ў беларускім народным календары………………… 8

2.1 Прыкметы і павер’і зімняга цыклу……………………………………… 8

2.2 Прыкметы і павер’і веснавога цыклу………………………………….. 11

2.3 Прыкметы і павер’і летняга цыклу…………………………………….. 15

2.4 Прыкметы і павер’і асенняга цыклу…………………………………… 19

Заключэнне………………………………………………………………...... 25

Спіс выкарыстаных крыніц………………………………………………… 26

УВОДЗІНЫ 

У кожнага народа свой лес. Свой лес i у нас беларусау. Народ жыве да той пары, пакуль жыве яго мова, традыцыі.

Беларускі фальклор захаваўся найлепш у параўнанні з фальклорам многіх іншых еўрапейскіх народаў, у якіх амаль зніклі формы яго аўтэнтычнага бытавання яшчэ ў мінулыя эпохі, а адраджаліся яны пераважна ў перапрацоўках. Беларускі народ па праву можа ганарыцца багаццем зместу, дасканаласцю мастацкай формы і разнастайнасцю жанраў свайго фальклору.

Багаты духоўны свет нашых продкаў знайшоў адлюстраванне ў абрадах і звычаях, песнях і гульнях, прыкметах і павер’ях. Людзі здаўна добра ведалі, калі можна брацца за тую ці іншую гаспадарчую справу, а калі, наадварот, трэба было адкласці яе, адпачыць, каб не нашкодзіць сабе і родным. Варта адзначыць, што такія міфалагічныя ўяўленні знайшлі яскравае ўвасабленне ў прыкметах і павер’ях, якія актыўна бытавалі ў народным асяроддзі, і даволі ўстойліва захоўваюцца ў людской памяці і сёння.

Па словах А.К. Сержпутоўскага, вядомага беларускага фалькларыста, «каб ясна зразумець сучаснае жыцце людзей, трэба азірнуцца назад у глыбіню вякоў, паглядзець i падслухаць, як даўней жыў і верыў чалавек». Тое, што засталося сёння – гэта толькі рэшткі таго векавога багатага вопыту. Найстаражытнейшы скарб нашых продкаў – факльклор, аснова нашай ментальнасці, з якім трэба не змагацца, а вяртаць, падтрыліваць. Тады мы зможам сказаць пра сваю культуру, як пра старажытную культуру індаеўрапейскіх вед, якая стаяла ля крыніц ycix народаў свету; як пра культуру, якая мае шматвекавую гісторыю i вялікі патэнцыял развіцця ў будучым. Усе дадзеныя акалічнасці і абумовілі актуальнасць работы.

Мэта – раскрыць нацыянальна-культурную характарыстыку прыкмет і павер’яў у народным календары беларусаў.

Для дасягнення дадзенай мэты неабходна вырашыць наступныя задачы: вызначыць значэнне паняццяў “прыкмета”, “павер’е”; акрэсліць і апісаць прыкметы і павер’і ў народным календары беларусаў, як нацыянальна-культурны феномен.

Аб’ект даследавання – прыкметы і павер’і ў народным календары беларусаў.

Прадмет даследавання – нацыянальна-культурныя характарыстыка прыкмет і павер’яў у народным календары беларусаў.

Для вырашэння пастаўленых мэты і задач былі абраны прыватны лінгвістычны метад: апісальны метад (уключаючы назіранне, класіфікацыю і інтэрпрэтацыю).