Курсовая - фарміраванне функцыянальнай моўнай граматнасці малодшых школьнікаў пры вывучэнні раздзела Склад слова

ЗМЕСТ
УВОДЗІНЫ 3
1 ТЭАРЭТЫЧНЫЯ АСНОВЫ ФАРМІРАВАННЯ ФУНКЦЫЯНАЛЬНАЙ ГРАМАТНАСЦІ НА ЎРОКАХ БЕЛАРУСКАЙ МОВЫ Ў ПАЧАТКОВЫХ КЛАСАХ 5
1.1 Сутнасць паняццяў “функцыянальная граматнасць”, “функцыянальная моўная граматнасць” 5
1.2 Педагагiчныя ўмовы фармiравання функцыянальнай моўнай граматнасцi на ўроках беларускай мовы 7
2 МЕТАДЫЧНЫЯ АСНОВЫ ФАРМІРАВАННЯ ФУНКЦЫЯНАЛЬНАЙ МОЎНАЙ ГРАМАТНАСЦІ НА ЎРОКАХ БЕЛАРУСКАЙ МОВЫ ПРЫ ВЫВУЧЭННІ РАЗДЗЕЛА “СКЛАД СЛОВА” 11
2.1 Магчымасцi ўрокаў “Беларуская мова” ў фармiраваннi функцыянальнай моўнай граматнасцi малодшых школьнiкаў пры вывучэннi раздзела “Склад слова” 11
2.2 Сiстэма заданняў, накіраваных на фарміраванне функцыянальнай моўнай граматнасці пры вывучэннi раздзела “Склад слова” 13
2.3 Вопытна-эксперыментальная праца па фармiраваннi функцыянальнай моўнай граматнасцi малодшых школьнiкаў пры выучэннi раздзела “Склад слова” 16
ЗАКЛЮЧЭННЕ 21
СПІС ВЫКАРЫСТАНАЙ ЛІТАРАТУРЫ 23
ДАДАТАК А. Фрагменты ўрокаў па фарміраванню функцыянальнай граматнасці 25

 

УВОДЗІНЫ
Навучанне беларускай мове ва ўстановах агульнай сярэдняй адукацыі абумоўлена практычнай накіраванасцю і арыентавана на рэалізацыю кампетэнтнаснага, сістэмна-функцыянальнага, камунікатыўна-дзейнаснага, лінгвакультуралагічнага і сацыякультурнага падыходаў пры выкладанні ўсіх тэм і раздзелаў.
Сучасная адукацыя скіравана на фарміраванне функцыянальнай пісьменнасці. Функцыянальная пісьменнасць – гэта здольнасць выкарыстоўваць набытыя веды, уменні і навыкі для рашэння максімальна шырокага дыяпазону жыццёвых задач у розных сферах чалавечай дзейнасці і сацыяльных узаемаадносін. Вынікам развіцця функцыянальнай пісьменнасці з’яўляецца авалоданне вучнямі сістэмай ключавых кампетэнцый, якія дазволяць эфектыўна прымяняць веды, уменні і навыкі ў практычнай дзейнасці, паспяхова выкарыстоўваць іх у працэсе сацыяльнай адаптацыі [8, с.23].
Ад таго, ці будуць сфарміраваны гэтыя ўменні і навыкі ў малодшага школьніка, залежыць яго далейшае навучанне ў школе і будучыня ў цэлым. Таму фарміраванне простых навыкаў правапісу і маўлення недастаткова, неабходна развіваць функцыянальную пісьменнасць у малодшых школьнікаў. Беларуская мова - адзін з вядучых прадметаў гуманітарнага цыкла ў сістэме школьнай адукацыі. Асноўная задача педагога – забяспечыць вучняў якаснай адукацыяй з улікам іх патрэб і асаблівасцей, забяспечыць фарміраванне функцыянальна пісьменнай асобы.
Усе дадзеныя акалічнасці і абумовілі актуальнасць даследавання.
Праблему вывучэння марфемнага складу слова даследавалі такія вучоныя, як Г.М. Валочка, Г.І. Верашчака, В.П. Красней, В.А. Ляшчынская, І.І. Паўлоўскі, В.У. Протчанка, М.Г. Яленскі.
Адзначым, што ў даследаваннях вучоных-лінгвадыдактаў вывучэнне марфемнага складу слова суадносіцца з навучаннем арфаграфіі.
Аб’ект i прадмет даследавання. Аб’ект даследвання – працэс фарміравання функцыянальнай граматнасці малодшых школьнікаў. Прадмет даследвання – працэс працэс фарміравання функцыянальнай граматнасці вучняў пачатковых класаў пры вывучэнні раздзела “Склад слова”.
Мэта i задачы даследавання. Мэта работы – акрэсліць шляхі і сродкі фарміравання функцыянальнай граматнасці вучняў пачатковых класаў пры вывучэнні раздзела “Склад слова”.
Задачы даследавання:
– выявіць тэарэтычныя падыходы да раскрыцця паняцця “функцыянальная граматнасць”, “моўная функцыянальная граматнасць”;
– выявіць педагагiчныя ўмовы фармiравання функцыянальнай моўнай граматнасцi на ўроках беларускай мовы;
– апісаць сістэму работы па фарміраванню функцыянальнай граматнасці на ўроках беларускай мовы;
– праілюстраваць работу па фарміраванню функцыянальнай граматнасці на прыкладзе пэўных практыкаванняў.
Метады даследавання: тэарэтычны аналіз псіхолага-педагагічнай літаратуры па праблеме даследавання; вывучэнне і абагульненне перадавога педагагічнага вопыту па праблеме даследавання; параўнальны аналіз.
Структура курсавой працы. Курсавая праца складаецца з уводзін, дзвюх глаў, заключэння, спіса выкарыстанай літаратуры, дадатка. Агульны аб’ём працы – 25 старонак.