Реферат - Б. Тарашкевіч і яго першая граматыка для школ

ЗМЕСТ
УВОДЗІНЫ   3
Б. ТАРАШКЕВІЧ І ЯГО РОЛЯ Ў РАЗВІЦЦІ БЕЛАРУСКАГА МОВАЗНАЎСТВА   5
“БЕЛАРУСКАЯ ГРАМАТЫКА ДЛЯ ШКОЛ”: СТРУКТУРА І АСАБЛІВАСЦІ    8
ЗАКЛЮЧЭННЕ   16
СПІС ВЫКАРЫСТАНЫХ КРЫНІЦ    17

 

УВОДЗІНЫ
У сучасным мовазнаўстве практычна ні адно сістэмнае апісанне марфалагічных катэгорый і форм, сінтаксічных канструкцый, спосабаў словаўтварэння не абыходзіцца без звароту да ўзаемадзеяння граматычных, лексічных і сінтаксічных фактараў і, адпаведна, да ролі слова ў сістэме граматычных адносін. Аднак, каб сучасныя навукоўцы мелі такую магчымасць, найперш неабходна было з’явіцца мовазнаўцу, які б здолеў адкрыць у моўным вадавароце крыніцу арганічнага жыцця. Такой асобай для беларусазнаўства стаў акадэмік Браніслаў Адамавіч Тарашкевіч.
Мэта работа – паказаць і раскрыць жыццёвы і творчы шлях Б. Тарашкевіча.
Задачы:
вызначыць і акрэсліць ролю Б. Тарашкевіча ў развіцці беларускага мовазнаўства, літаратуразнаўца і ў грамадска палітычным жыцці ХХ ст.;
вылучыць і ахарактарызаваць асабліваці правапiсных i граматычных норм “Граматыкі” Б. Тарашкевіча, яе структуры.
У гісторыю беларускага мовазнаўства Браніслаў Тарашкевіч увайшоў як аўтар першай нарматыўнай “Беларускай граматыкі для школ”, якая была выдадзена ў 1918 годе і адыграла выключна важную ролю ў станаўленні і ўмацаванні літаратурных норм беларускай пісьмовай мовы, яе пашырэнні ў афіцыйныя сферы ўжытку і школьнае навучанне. Менавіта як аўтар названай граматыкі Браніслаў Тарашкевіч ў 1928 годзе быў абраны правадзейным членам АН БССР [3, с.8].
Асабліва значная заслуга Браніслава Тарашкевіча ў распрацоўцы сістэмы беларускага правапісу, без чаго немагчыма паўнацэннае функцыянаванне пісьмовай мовы ў афіцыйных сферах ужытку і адукацыйным працэсе. Сфармуляваныя ім у “Беларускай граматыцы для школ” важнейшыя прынцыпы беларускай арфаграфіі і асноўныя правілы правапісу галосных і зычных літар ляжаць у аснове сучасных правіл беларускай арфаграфіі і пунктуацыі, зацверджаных у 2008 годзе Законам Рэспублікі Беларусь “Аб правілах беларускай арфаграфіі і пунктуацыі”.